མཐའ་ཡས་ལེན་གྱི་ བློན་ཆེན་གདམ་ཁའི་ ཚོགས་རྒྱན་དེ་ ངེས་པ་མེད་པའི་ གཞི་ཅིག་ལུ་གྱུར་ཡོདཔ།

བི་བི་སི།
མཐའ་ཡས་ལེན་གྱི་ བཙག་འཐུའི་ནང་ལས་ རྒྱལ་ཁ་ཐོབ་པའི་ཤུལ་ལུ་ སྤྱི་ཚོགས་འགོ་འབྱེད་འབདཝ་ད་ མུབ་ཕོར་ཝཱཌ་ཟེར་མི་ སྲིད་དོན་ཚོགས་པའི་འགོ་ཁྲིདཔ་ ངོ་མིང་པི་ཏ་ ལིམ་ཇ་རོ་ཨེན་རཱཏ་དེ་ བློན་ཆེན་གྱི་ གོ་གནས་དོན་ལུ་ སྔ་གོང་གདམ་འཐུ་འབད་ཡོདཔ་ཨིན་པས།
དེ་ཡང་ ཚོགས་རྒྱུན་བསྐྱུར་མི་ཚུ་གིས་ སྤྱི་ལོ་ ༢༠༡༤ ལས་ཚུར་ སྲིད་གཞུང་བཙན་འཕྲོག་གི་སྒོ་ལས་ གཞུང་སྐྱོང་འབད་མི་ དྲག་པོའི་སྲིད་གཞུང་གི་ སྲིད་ཚོགས་དེ་ ཕྱི་སེལ་རྐྱབ་བཞག་སྟེ་ ངོ་མིང་པི་ཏ་ ལིམ་ཇ་རོ་ཨེན་རཱཏ་གི་ མུབ་ཕོར་ཝཱཌ་ཟེར་མི་ སྲིད་དོན་ཚོགས་པ་ལུ་ ཚོགས་རྒྱན་བཙུགས་ཡོདཔ་བཞིན་དུ་ རྒྱལ་ཁ་ཡང་ཐོབ་ནུག།
ཨིན་རུང་ བློན་ཆེན་གྱི་ གོ་གནས་ཁར་ མང་མོས་ཐོག་ལས་ གདམ་འཐུ་འབད་ནིའི་དོན་ལུ་ དྲག་པོའི་སྲིད་གཞུང་གིས་ བསྐོ་བཞག་འབད་དེ་ཡོད་མི་ ཁྲིམས་བཟོའི་འཐུས་མི་ཚུ་གི་ རྒྱབ་སྐྱོར་དགོ་ནི་ཨིནམ་ལས་ མཐར་ཐུག་ལུ་ མི་ངོམ་པི་ཏ་ལུ་ ཁྲིམས་དོན་གྱི་ དོ་འགྲན་ཚུ་ བསལ་དགོཔ་ཡོདཔ་ལས་ ཁྱད་ཚད་མ་གྲུབ་མིའི་གྲངས་སུ་ བཏོན་ནི་གི་ ཉེན་ཁ་ཡོདཔ་སྦེ་ བཤདཔ་ཨིན་པས།
བློན་ཆེན་གྱི་ གོ་གནས་ཁར་ མང་མོས་ཐོག་ལས་ གདམ་འཐུ་འགྲུབ་ནི་ལུ་ ཚོགས་རྒྱན་བསྡོམས་ ༣༧༦ དགོ་ས་ལས་ ད་རེས་ ཁོ་གི་ཁོངས་གཏོགས་ཚུ་ལས་ ཚོགས་རྒྱན་ ༣༡༢ ཐོབ་མི་དེ་ བློན་ཆེན་གྱི་ གོ་གནས་འཆང་ནིའི་དོན་ལས་ ཚོགས་རྒྱན་ ༦༤ གིས་ཆད་ནུག།
ཨིན་རུང་ མུབ་ཕོར་ཝཱཌ་ འགོ་ཁྲིདཔ་དེ་གིས་ བཤད་དོ་བཟུམ་འབད་བ་ཅིན་ ཁོ་གིས་ འཆར་སྣང་ཚུ་གི་སྐོར་ལས་ ཁྲིམས་བཟོའི་ཚོགས་ཁང་ནང་ གསལ་བཤད་འབད་དེ་ རྩ་འགེངས་ནི་ཨིནམ་ལས་ བློན་ཆེན་གྱི་ གོ་གནས་འཆང་ཚུགས་པའི་ ཡིད་ཆེས་ཡོདཔ་སྦེ་ཡང་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།