བྱང་ཀོ་རི་ཡའི་ དམག་མི་ཚུ་གིས་ ཡུ་ཀེ་རེན་དང་གཅིག་ཁར་ དམག་རྐྱབ་མི་ལུ་ཉེན་བརྡ།

རོའི་ཊརཛ།
བྱང་ཀོ་རི་ཡ་གིས་ ར་ཤི་ཡ་དང་གཅིག་ཁར་ ཡུ་ཀེ་རེན་ལུ་ དམག་རྐྱབ་ནི་དེ་གིས་ ད་ལས་ཕར་ དམག་རྐྱབ་ནིའི་དོན་ལུ་ ཉམས་མྱོང་ཐོབ་དོ་ཡོད་པའི་སྐོར་ལས་ སྤྱི་ཟླ་ ༡ པའི་ཚེས་ ༨ ལུ་ ཡུ་ཨེཛ་གིས་ ཉེན་བརྡ་འབད་ནུག།
དེ་ཡང་ སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ ར་ཤི་ཡ་གིས་ ཡུ་ཀེ་རེན་ལུ་ བཙན་འཛུལ་འབད་ཞིནམ་ལས་ཚུར་ ར་ཤི་ཡ་གིས་ བྱང་ཀོ་རི་ཡ་དང་གཅིག་ཁར་ ཕྱི་འབྲེལ་དོན་གཅོད་དང་ དམག་སྡེའི་བར་ན་ མཐུན་འབྲེལ་དམ་ཟབ་སྦེ་ བཟོ་ཡོདཔ་ཨིན་པས།
དེ་འབདཝ་ལས་ བྱང་ཀོ་རི་ཡ་གིས་ དམག་མི་ ༡༢,༠༠༠ ལྷགཔ་ཅིག་ ར་ཤི་ཡ་ལུ་ བཏང་ཡོདཔ་བཞིན་དུ་ ར་ཤི་ཡའི་ ཀུརཛ་ལུང་ཕྱོགས་ནང་ ཡུ་ཀེ་རེན་གྱི་ དམག་མི་ཚུ་དང་གཅིག་ཁར་ དམག་འཛིང་འབད་ནི་ འགོ་བཙུགས་ཡོདཔ་སྦེ་ འཛམ་གླིང་སྤྱི་ཚོགས་ནང་ ཡུ་ཨེཛ་གི་ གཞུང་ཚབ་འོགམ་ ཨམ་ཌོ་རོ་ཐི་ ཀེ་མི་ལེ་ ཤི་ཡ་གིས་ འཛམ་གླིང་སྤྱི་ཚོགས་ཀྱི་ སྲུང་སྐྱོབ་ཚོགས་སྡེའི་ནང་ གསལ་བཤད་འབད་ནུག།
བྱང་ཀོ་རི་ཡ་གིས་ དམག་ཆས་དང་ འཕྲུལ་རིག་ དེ་ལས་ ཉམས་མྱོང་ཚུ་གི་ ཁེ་ཕན་སྦོམ་སྦེ་ར་ ཐོབ་ཡོདཔ་མ་ཚད་ ཁྱིམ་ཚང་ཚུ་དང་གཅིག་ཁར་ དམག་རྐྱབ་ནི་གི་ བློ་སྤོབས་ཚུ་ཡང་ ཐོབ་ཡོདཔ་སྦེ་ ཨམ་ཌོ་རོ་ཐི་ ཀེ་མི་ལེ་ ཤི་ཡ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།