བེ་ཇིང་ལུ་ ཨིཛ་རེལ་གྱི་ གཞུང་ཚབ་ཡིག་ཚང་གི་ ལས་བྱེདཔ་ཅིག་ལུ་ རྒོལ་བརྡུང་འབད་ཡོདཔ།

རོའི་ཊརཛ།
སྤྱི་ཟླ་ ༡༠ པའི་ཚེས་ ༡༣ ལུ་ རྒྱ་ནག་བེ་ཇིང་ལུ་ཡོད་མི་ ཨིཛ་རེལ་གཞུང་ཚབ་ཡིག་ཚང་གི་ མི་ངོམ་ཅིག་ལུ་ རྒོལ་བརྡུང་འབད་ཡོདཔ་ལས་ ནདཔ་ཐོན་ཏེ་ སྨན་ཁང་ནང་ བསྐྱལ་ཡོདཔ་ད༌ བྱ༌ངན༌དེ༌ནང༌ འབྲེལ༌བ༌ཡོད༌པའི༌ དོགས་པ་ཅན་ཅིག༌ཡང་ རྒྱ་ནག་ཁྲིམས་སྲུང་འགག༌སྡེ༌གིས་ འཛིན་བཟུང་འབད་ནུག།
དེ༌བཟུམ༌མའི༌ བྱ༌ངན༌འབད༌མི༌དེ་ སྐྱེས་ལོ་ ༥༣ འབད་མི་ ཕྱི་མི་ཅིག་ཨིནམ་ད་ མི༌ངོམ༌དེ༌ བེ་ཇིང་ལུ་ ཅ་ཆས་ཚོང་འབྲེལ་འཐབ་མི་ཅིག་ཨིན་པས་ཟེར་ ས་གནས་ཀྱི་ ཁྲིམས་སྲུང་འགག༌སྡེ༌གིས་ བཤད་ཡོདཔ་ཨིན་པས།
དེ༌བསྒང༌ འཁོར་ལམ་གྱི་སོ་ཁར་ ཁྲག་གིས་གང་མི༌ཅིག་གིས་ མི་གཞན་ཚུ་ལུ་ ཁོ་ ཨིཛ་རེལ་གཞུང་ཚབ་ཡིག་ཚང་ལས་ཨིན་ཟེར་ བཤད་སར་གོ་ཡོདཔ་ད་ ཁྲིམས་སྲུང་འགག་པ་ཅིག་གིས་ཡང་ ཁོ་ ཞིན་ཡུན་ལི་ འགག་སྡེ་ལས་ཨིན་ཟེར་བཤད་ནུག།
ཞིན་ཡུན་ལི་དེ་ ཕྱི་མི་མང་ཤོས་ཅིག་གིས་ འཐོན་སྐྱེད་གསརཔ་ཚུ་ ཉོ་བར་འོང་སའི་ ས་གོ་ཅིག་ཨིན་པས་ཟེར་ བཀོད་འདུག་པའི་གནས་ཚུལ།