སྤྱི་ཟླ་ ༨ པའི་ཚེས་ ༢༨ ལུ་ མི་དབང་མངའ་བདག་རིན་པོ་ཆེ་མཆོག་དང་ མི་དབང་འབྲུག་རྒྱལ་བཞི་པ་མཆོག་གིས་ དབུ་གཙོས་པའི་ མི་དབང་རྒྱལ་བཙུན་མཆོག་དང་ མི་དབང་རྒྱལ་ཡུམ་ལྷན་རྒྱས་ མི་དབང་སྐུ་འཁོར་ཚུ་གིས་ བཀྲིས་ཆོས་རྫོང་གི་ ཀུན་དགའ་ར་བ་ནང་སྦེ་ ནེ་པཱལ་དང་ རྒྱ་ནག་ལུ་ གློ་བུར་དུ་ ཆུ་རུད་ཐོན་པའི་ རྐྱེན་ངན་ནང་ གནོད་སྐྱོན་བྱུང་མི་ཚུ་གི་དོན་ལས་ མར་མེ་སྟོང་མཆོད་ ཕུལ་གནང་ནུག།
རྐྱེན་ངན་དེ་ནང་ ཚེ་ལས་འདས་མི་དང་ འཚོལ་མ་ཐོབ་པར་ཡོད་མི་ དེ་ལས་ མྱ་ངན་གྱིས་ གདུངས་ཏེ་ཡོད་མི་ བཟའ་ཚང་ཡོངས་ཀྱི་དོན་ལུ་ ཐུགས་སྨོན་ཚུ་ཡང་ གནང་ཡོདཔ་ཨིན་པས།
དེ་བསྒང་ འབྲུག་ལུ་ ལཱ་འབད་དེ་ཡོད་མི་ ནེ་པཱལ་གྱི་ མི་སེར་ཚུ་མ་ཚད་ མི་རྗེ་བློན་ཆེན་དང་ གཞུང་གི་ཆེ་མཐོའི་འགོ་དཔོན་ཚུ་གིས་ཡང་ གྲལ་གཏོགས་མཛད་ནུག།
