ནེ་ཊི་ལཱཛ་ལས་སྡེ་གིས་ ཧོ་རི་ཛཱོན་ཟེར་མི་ སྐྱེལ་འདྲེན་གནམ་གྲུའི་ བཟོ་དབྱིབས་གསར་བཏོད།

སི་ཨེན་ཨེན།
སཱན་ཌི་ཡ་གོ་ལུ་ཡོད་མི་ ནེ་ཊི་ལཱཛ་ལས་སྡེ་གིས་ དེང་སང་ བཙོག་རླུང་ཀཱར་བཱོན་གྱི་ དཀའ་ངལ་ཐོན་པའི་ གནས་སྐབས་ནང་ འགྲུལ་པ་ ༢༠༠ ཤོང་མི་ ཧོ་རི་ཛཱོན་ཟེར་མི་ གནམ་གྲུའི་བཟོ་དབྱིབས་ གསར་བཀོད་འབད་མི་དེ་གིས་ བཙོག་རླུང་ཀཱར་བཱོན་ཕྱེད་ཀ་དེ་ཅིག་ མར་ཕབ་འབད་ཚུགས་ནི་ཨིན་པས།
འཛམ་གླིང་ནང་ མཁའ་འགྲུལ་གྱི་ དགོས་མཁོ་དེ་ ས་ཐོག་དང་ མཚོ་ཐོག་གི་ འགྲོ་འགྲུལ་ལས་ལྷག་སྟེ་ ཡར་སེང་འགྱོ་དོ་ཡོདཔ་ལས་ གནམ་གྲུ་ཚུ་གི་ནང་ལས་ བཙོག་རླུང་ཕྱིར་ཐོན་གྱི་ ཚད་གཞི་དེ་ སྤྱི་ལོ་ ༢༠༥༠ འཐོནམ་ད་ ཀླད་ཀོར་གུ་ བཀལ་ནི་གི་ དམིགས་གཏད་ཡོདཔ་ཨིན་པས།
ད་རེས་ མཁའ་འགྲུལ་ལས་སྡེ་དང་ མཁའ་འགྲུལ་སྒྲིག་འཛིན་འབད་མི་ཚུ་གིས་ གནམ་གྲུའི་བཟོ་གྲྭ་དེ་ བཙོག་རླུང་ཀཱར་བཱོན་མེད་པའི་ བཟོ་གྲྭ་ཅིག་ལུ་ བསྒྱུར་ནིའི་དོན་ལས་ ཐབས་ཤེས་དང་ གནས་སྐབས་ཚུ་ འཚོལ་ཞིབ་འབདཝ་ཨིན་པས།
སྤྱི་ལོ་ ༢༠༢༠ ལུ་ ཨེ་ཡར་བཱཛ་གིས་ཡང་ དེ་བཟུམ་མའི་ གནམ་གྲུའི་དཔེ་ཚད་ཚུ་ བཟོ་བཀོད་འབད་ཡོདཔ་ད་ ཇེཊ་ཟི་རོ་ལས་སྡེ་གིས་ཡང་ སྤྱི་ལོ་ ༢༠༢༣ ལུ་ འགྲུལ་པ་ ༢༠༠ ལྷགཔ་ཅིག་ཤོང་པའི་ གནམ་གྲུ་ཚུ་གི་ དཔེ་ཚད་བཟོ་ཡོད་མི་ཚུ་ སྤྱི་ལོ་ ༢༠༣༠ ལུ་ འཕུར་འགྲུལ་འབད་ཚུགས་པའི་ དམིགས་གཏད་ཨིན་པས་ཟེར་ བཀོད་འདུག་པའི་གནས་ཚུལ།