སྤྱི་ཟླ་ ༤ པའི་ཚེས་ ༢༧ ལུ་ རྒྱ་གར་ཇའི་སྒང་གི་ ཁྲིམས་སྲུང་འགག་སྡེ་གིས་ ནུབ་བེང་གཱལ་གྱི་ས་གནས་ ཨ་ལི་པུར་ཌུ་ཨར་གྱི་ གཡུས་ཚན་ཀུ་མར་སྒང་ཟེར་ས་ལས་ཨིན་མི་ རྒྱ་གར་གྱི་ མི་ཁུངས་ཅིག་ འབྲུག་པའི་དངུལ་ལོར་རྫུན་མ་ ༡༢༧,༥༠༠ འབད་མི་ཅིག་ འབག་སྟེ་ཡོདཔ་ བདའ་ཟུན་ཡོདཔ་ད་ དེ་བསྒང་ ཁོ་གིས་དངུམ་ཀྲམ་ ༥༠༠ འབད་མི་ དངུལ་ལོར་རྫུན་མ་ ༢༥༥ འབག་སྟེ་ཡོདཔ་སྦེ་ བདའ་ཟུན་ནུག།
ད་རེས་ དོགས་པ་ཅན་དེ་ ཇའི་སྒང་ཁྲིམས་སྲུང་འགག་སྡེའི་ དོ་དམ་འོག་ལུ་ཡོདཔ་ལས་ དངུལ་ལོར་རྫུན་མ་ཚུ་གི་ འབྱུང་ཁུངས་དང་ དེ་བཟུམ་མའི་ ལག་ལེན་གྱི་ ཡོངས་འབྲེལ་ཚུ་ གཏན་འཁེལ་བཟོ་ཐབས་ལུ་ ཞིབ་དཔྱད་ཅིག་ འགོ་བཙུགས་ཡོདཔ་ཨིན་པས།
དེ་འབདཝ་ལས་ མི་མང་གིས་ དངུལ་ཀྲམ་ལག་ལེན་དང་ སྤྲོད་ལེན་ཚུ་གི་སྐབས་ལུ་ དྲན་པ་འཐེབ་བཏོན་དགོ་པའི་ དྲན་སྐུལ་འབད་དོ་ཡོདཔ་ད་ གལ་སྲིད་ མི་ག་གིས་འབད་རུང་ དོན་ཟོན་ཅན་གྱི་ དངུལ་ལོར་དང་ ཡང་ཅིན་ འབྲེལ་ཡོད་ལཱ་རེ་འབད་སར་ མཐོང་པ་ཅིན་ དེ་འཕྲལ་ལས་ ཉེ་འདབས་ཀྱི་ ཁྲིམས་སྲུང་དགག་སྡེ་ལུ་ སྙན་ཞུ་འབད་དགོ་ཟེར་ འབྲུག་རྒྱལ་གཞུང་འབྲུག་གི་འགག་སྡེ་གིས་ ཕེཛ་བུག་ནང་བཀོད་ནུག།
དེ་བཟུམ་མའི་ དངུལ་ལོར་རྫུན་མ་ ཁྱབ་སྤེལ་བཀག་ཐབས་ལུ་ མི་མང་ག་ར་གིས་ དྲན་པ་འཐེབ་བཏོན་ནི་དེ་ གནད་འགག་ཅན་ཨིནམ་སྦེ་ཡང་ བཀོད་འདུག་པའི་གནས་ཚུལ།
