ཏ་ཡེ་ཝཱན་གྱི་ ཁྲོམ་ལམ་བདའ་སྟེ་ མི་སེར་སྟོང་ཕྲག་ལས་བཅད་མི་ཚུ་གིས་ ངོ་རྒོལ་འགྲེམ་སྟོན།

ཨཱལ་ཇ་ཟི་ར།
ཏ་ཡེ་ཝཱན་གྱི་ སྤྱི་ཚོགས་ནང་ བརྟག་དཔྱད་དབང་ཚད་ཀྱི་ དཔྱད་ཡིག་ཅིག་ བཙུགས་ཡོད་མི་དེ་གིས་ སྤྱི་ཚོགས་ཁ་དབྱེ་ཅན་གྱི་ དབང་ཚད་རྒྱ་ཆེ་ཏོག་ཏོ་སྦེ་ར་ རྒྱ་སྐྱེད་འཐོན་ནི་ཨིནམ་ལས་ མི་སེར་སྟོང་ཕྲག་ལས་བཅད་མི་ཚུ་གིས་ ཁྲོམ་ལམ་བདའ་སྟེ་ ངོ་རྒོལ་འགྲེམ་སྟོན་ཚུ་ འཕྲོ་མཐུད་དེ་ར་འབད་དོ་ཡོདཔ་ཨིན་པས།
དེ་ཡང་ སྤྱི་ཟླ་ ༥ པའི་ཚེས་ ༢༡ ལུ་ སྤྱི་ཚོགས་ནང་ དཔྱད་ཡིག་དེ་ ལྷག་ཐེངས་དང་པའི་ཉིན་མར་ ངོ་རྒོལ་འགྲེམ་སྟོན་འབད་མི་ཚུ་ ཁྲིམས་ཟོ་ཚོགས་ཁང་གི་ཕྱི་ཁར་ སྤུངས་འཛོམས་འབད་ནུག།
མ་གཞི་ དམངས་གཙོའི་རིང་ལུགས་ ལེ་ཤ་ཅིག་ནང་ དེ་བཟུམ་མའི་ བརྟག་དཔྱད་དབང་ཚད་ཚུ་ཡོད་རུང་ ངོ་རྒོལ་འགྲེམ་སྟོན་འབད་མི་ཚུ་གིས་ བཤད་དོ་བཟུམ་འབད་བ་ཅིན་ ཁོང་གི་དཔྱད་ཡིག་དེ་ ཚོགས་རྒྱན་གྱི་ བྱ་སྒོ་ཚུ་ ལེགས་ཤོམ་སྦེ་ མ་གྲུབ་པའི་ཁར་ དཔྱད་ཡིག་དེ་ནང་ དགོས་མཁོ་ཡོད་མི་ འགག་བཤེར་དང་ཚད་མཉམ་ཚུ་ཡང་མེདཔ་ལས་ ལོག་སྤྱོད་བཀག་ཐབས་ ག་ནི་ཡང་མིན་འདུག་ཟེར་ཨིན་པས།
དེ་བཟུམ་སྦེ་ ཞི་བའི་མི་སྡེ་ཚོགས་པ་དང་ ཁྲིམས་དོན་མཁས་མཆོག་ ལེ་ཤ་ཅིག་གིས་ཡང་ དཔྱད་ཡིག་དེ་ འོས་འབབ་མེདཔ་སྦེ་ བཤད་ཡོད་རུང་ ཀུ་ཨོ་མིན་ཏང་ སྲིད་ཚོགས་ཀྱིས་ ཏ་ཡེ་ཝཱན་གྱི་ དམངས་གཙོའི་རིང་ལུགས་ བཙན་ཐབས་ལུ་ དཔྱད་ཡིག་དེ་ དགོས་མཁོ་ཡོདཔ་སྦེ་ གསལ་བཤད་འབད་ནུག།
དེ་ལས་ གཞན་ཡང་ དཔྱད་ཡིག་དེ་ནང་ རྩོད་ཉོག་ཅན་གྱི་ གཞི་རྟེན་མཁོ་ཆས་ལས་འགུལ་ཅིག་ཡང་ ཚུད་དེ་ཡོདཔ་ད་ ལས་འགུལ་དེ་ནང་ མཚོ་གླིང་རྒྱལ་ཁབ་ཀྱི་ ཤར་ནུབ་མཚོ་འགྲམ་ ༢ མཐུད་སྦྲེལ་འབད་ནིའི་སྐོར་ལས་ བཀོད་དེ་ཡོདཔ་ཨིན་པས།
ལྡོག་ཕྱོགས་སྲིད་ཚོགས་ ཀུ་ཨོ་མིན་ཏང་དང་ ཏ་ཡེ་ཝཱན་མི་སེར་ཚོགས་པ་ ཊི་པི་པི་གིས་ མདང་ཞག་ སྤྱི་ཟླ་ ༡ པའི་ བཙག་འཐུ་ནང་ལས་ སྤྱི་ཚོགས་ཀྱི་དོན་ལུ་ སྡོད་ཁྲི་མང་ཤོས་ ཐོབ་ཡོདཔ་ད་ སྲིད་འཛིན་གྱི་དོན་ལས་ ཁོང་ལུ་ དོ་འགྲན་འབད་མི་ ཌེ་མོ་ཀེ་རེ་ཊིག་ པོ་རོ་གེ་སིབ་ སྲིད་ཚོགས་ནང་ལས་ ཝི་ལི་ཡམ་ ལ་ཡེ་ཅིང་ཏེ་དེ་ བཙག་འཐུ་གྲུབ་ནུག་ཟེར་ བཀོད་འདུག་པའི་གནས་ཚུལ།