ད་རེས་ ཇར་མ་ནི་ལུ་ འགོ་འདྲེན་འཐབ་མི་ འཛམ་གླིང་གི་ དམིགས་བསལ་རྩེད་འགྲན་ནང་ དམིགས་བསལ་གྱི་ ཨ་ལོ་དང་ ན་གཞོན་གྱི་དོན་ལས་ གཞི་བཙུགས་འབད་དེ་ཡོད་མི་ དྲག་འཚོ་གཡོག་འབྲེལ་སྦྱོང་བརྡར་ལྟེ་བའི་ནང་ལས་ སྐྱེས་ལོ་ ༡༧ འབད་མི་ ཉི་མ་འོད་ཟེར་གྱིས་ དཔུང་རྡོའི་འགྲན་བསྡུར་ནང་ལས་ གསེར་གྱི་རྟགས་མ་ཐོབ་ནུག།
དེ་བསྒང་ བཀྲ་ཤིས་སྒང་ལས་ཨིན་མི་ ཉི་མ་འོད་ཟེར་གྱིས་ སི་པེན་དང་ ཨུཟ་བེ་ཀིཛ་ཏཱན་ རྒྱལ་ཁབ་ ༢ ཀྱི་ རྩེད་འགྲན་པ་ཚུ་ ཕམ་བཏང་ཡོདཔ་ད་ ད་རེས་ནངས་པར་ ཐིམ་ཕུ་དྲག་འཚོའི་ནང་ ལྷ་བྲིས་ལྷབ་སྦྱང་འབདཝ་ཨིན་པས།
དེ་བཟུམ་སྦེ་ ཨམ་སྲུའི་དཔུང་རྡོ་འགྲན་བསྡུར་ནང་དང་ ཕོ་མོ་གཉིས་ཆ་རའི་ མི་ཊར་ ༡༠༠ གི་ བང་རྒྱུག་ནང་ཡང་ འབྲུག་གི་རྩེད་འགྲན་པ་ཚུ་གིས་ མཐའ་དཔྱད་འགྲན་བསྡུར་ནང་ ལྷོད་དེ་ཡོདཔ་ཨིན་པས།
དེ་ཡང་ དྲག་འཚོ་ལྟེ་བའི་ནང་ལས་ རིག་རྩལ་སྐྱོན་ཅན་གྱི་ རྩེད་འགྲན་པ་ ༤ ཇར་མ་ནི་ལུ་ སྤྱི་ཟླ་ ༦ པའི་ཚེས་ ༡༧ ལས་ ༢༥ ཚུན་ འགོ་འདྲེན་འཐབ་མི་ རྩེད་འགྲན་ཚུ་ནང་ གྲལ་གཏོགས་ཀྱི་དོན་ལས་ སྤྱི་ཟླ་ ༦ པའི་ཚེས་ ༡༡ ལུ་ འགོ་དཔོན་ ༣ གྱིས་ ཁྱིད་དེ་སོང་ནུག།
ཨོ་ལིམ་པིག་དེ་ འཛམ་གླིང་ནང་ རྩེད་རིགས་འགྲན་བསྡུར་ འགོ་འདྲེན་འཐབ་མི་ ཚོགས་པ་སྦོམ་ཤོས་ཅིག་ཨིནམ་ད་ རྒྱལ་ཁབ་ ༡༧༢ ཀྱི་ནང་ལས་ རིག་རྩལ་སྐྱོན་ཅན་ཚུ་ལུ་ ལུས་སྦྱོང་གི་ སྦྱོང་བརྡར་ལས་རིམ་ཚུ་ འགོ་འདྲེན་འཐབ་དོ་ཡོདཔ་ཨིན་པས།
འབྲུག་གི་ཁ་ཐུག་ལས་ རྩེད་འགྲན་དེ་ནང་ གྲལ་གཏོགས་འབད་མི་ ཐེངས་ ༤ པ་ཨིནམ་དང་ སྤྱི་ལོ་ ༢༠༡༡ ལོར་ གི་རིཛ་ལུ་ འགོ་དང་པ་ བཅའ་མར་གཏོགས་པའི་སྐབས་ལུ་ཡང་ གསེར་གྱི་རྟགས་མ་ཐོབ་ནུག།
དུས་ཅི་ ཇར་མ་ནི་ལུ་ འགོ་འདྲེན་འཐབ་མི་ རྩེད་འགྲན་དེ་ནང་ རྒྱལ་ཁབ་ ༡༧༠ ལས་ རྩེད་རིགས་མ་འདྲཝ་ ༢༤ གི་ནང་ མི་གྲངས་ ༧,༠༠༠ གིས་ བཅའ་མར་གཏོགས་ཡོད་པའི་གནས་ཚུལ།
ཇར་མ་ནི་ལུ་ འགོ་འདྲེན་འཐབ་མི་ དཔུང་རྡོའི་འགྲན་བསྡུར་ནང་ལས་ ཉི་མ་འོད་ཟེར་གྱིས་ གསེར་གྱི་རྟགས་མ་ཐོབ་ཡོདཔ།
gyalchi · 1 min readComments are closed.
Related
འབྲུག་དང་ རྒྱ་གར་བྱང་ཤར་གྱི་བར་ན་ ཚོང་འབྲེལ་དང་ མཐུད་སྦྲེལ་བཙན་ཐབས་ཀྱི་ གོ་བསྡུར་ཞལ་འཛོམས།
པདྨ་དབང་འདུས། འབྲུག་ལུ་ རྒྱ་གར་གཞུང་ཚབ་ཡིག་ཚང་དང་ འབྲུག་དང་ རྒྱལ་ཡོངས་དགའ་སྐྱིད་དཔལ་འཛོམས་ཞིབ་འཇུག་ལྟེ་བ་ ཨེ་ཤི་ཡ་ མཉམ་བསྡོམས་བཅས་ཀྱིས་ ཐིམ་ཕུ་ལུ་སྦེ་ “རྒྱ་འབྲུག་གི་མཐུན་འབྲེལ་: ཚོང་འབྲེལ་དང་ མཐུད་སྦྲེལ་ ཤེས་རིག་ བལྟ་བཤལ་ གསོ་བ་ མཉམ་འབྲེལ་གྱི་མཐོང་ཚུལ་”ཟེར་བའི་ གོ་བསྡུར་ཞལ་འཛོམས་ཅིག་ ཉིནམ་ ༡ གི་རིང་ལུ་ འགོ་འདྲེན་འཐབ་ནུག། གོ་བསྡུར་ཞལ་འཛོམས་དེ་ནང་ ཚོང་འབྲེལ་བཙན་ཐབས་དང་ ལུང་ཕྱོགས་མཐུད་སྦྲེལ་ཡར་དྲག་གཏང་ནི་ ཤེས་རིག་དང་ བལྟ་བཤལ་ གསོ་བ་དང་ འཕྲུལ་རིག་ཚུ་ནང་ མཉམ་འབྲེལ་རྒྱ་སྐྱེད་ཚུ་གི་སྐོར་ལས་ གྲོས་གླེང་ཚུ་འབད་ཡོད་པའི་ནང་གསལ་ དམིགས་བསལ་གྱིས་ འབྲུག་དང་ རྒྱ་གར་བྱང་ཤར་དང་ འབྲུག་གི་བར་ན་ དངོས་གཟུགས་ཅན་གྱི་ མཐུད་སྦྲེལ་དང་ ཚོང་འབྲེལ་ལུ་ལྷན་ཐབས་ དེ་ལས་ ས་མཚམས་ཀྱི་བར་ན་ མཉམ་འབྲེལ་ཚུ་གི་སྒོ་ལས་ དཔལ་འབྱོར་གྱི་འབྲེལ་བ་ གཏིང་གཟབ་བཟོ་ནི་གི་ གོ་སྐབས་ཚུ་ལུ་ གཙོ་བོར་བཟུང་ཡོདཔ་ཨིན་པས། དེ་བསྒང་ ནུབ་བེང་གཱལ་གྱི་ ཚོང་དང་བཟོ་གྲྭ་ཚོགས་སྡེའི་ གཙོ་འཛིན་བགྲེསཔ་ ཨམ་བ་རིཤ་ དཱཛ་གུབ་ཏ་གིས་ འབྲུག་དང་ རྒྱ་གར་གྱི་བར་ན་ ཚོང་འབྲེལ་གྱི་ གོ་སྐབས་དེ་ ཧྲིལ་བུར་སྦེ་ གོང་འཕེལ་མ་འགྱོ་བར་ཡོདཔ་ལས་ […]
ཚིག་བདུན་གསོལ་འདེབས་ འབུམ་ཕྲག་ཆེན་མོའི་ གྲོལ་སྟོན་ལུ་ བཀའ་དབང་གནང་ཡོདཔ།
རང་ཟླ་ ༨ པའི་ཚེས་ ༢༨ སྤྱི་ཟླ་ ༡༠ པའི་ཚེས་ ༨ ལུ་ སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་གིས་ ཐིམ་ཕུ་ཅང་གླིང་མའི་ཐང་ནང་ དད་ལྡན་མི་དམངས་ཡོངས་ལུ་ བླ་མ་གསང་འདུས་ཀྱི་ བཀའ་དབང་དང་ མཐའ་རྟེན་ཚེ་དབང་དང་བཅས་པ་གནང་ཡི། དེ་ཡང་ ཐིམ་ཕུ་ཅང་གླིང་མའི་ཐང་ནང་སྦེ་ སྐྱབས་རྗེ་ནམ་སྙིང་རིན་པོ་ཆེ་མཆོག་ དབུ་བཞུགས་ཐོག་ལས་ ཉིན་གྲངས་ ༧ གྱི་རིང་ལུ་ བུམ་ཐང་མཁར་ཆུ་གྲྭ་ཚང་གི་ དགེ་སློང་ཞལ་གྲངས་ ༡༠༠ དེ་ཅིག་གིས་ ཨོ་རྒྱན་མཧཱ་གུ་རུའི་ ཚིག་བདུན་གསོལ་འདེབས་ འབུམ་ཕྲག་ཆེན་མོ་ བསགས་གནང་པའི་ གྲོལ་སྟོན་དང་འབྲེལ་ཏེ་ གནང་ཡོདཔ་ཨིན་པས། མཚོ་སྐྱེས་རྡོ་རྗེ་གཞི་ཚོགས་ཀྱིས་ འགོ་འདྲེན་ཐོག་ལུ་ ཚོགས་གནང་མི་ ལོ་བསྟར་གསོབ་འདེབས་འབུམ་ཕྲག་ ཐེངས་ ༡༣ པ་དེ་ནང་ སྒོམ་ཆེན་དང་ ཨ་ནེམོ་ དད་ལྡན་སེར་སྐྱ་ཕོ་མོ་ཚུ་ཡང་ སྟོང་ཕྲག་ལེ་ཤ་ཅིག་ སྤུངས་འཛོམས་འབད་ཡོད་པའི་གནས་ཚུལ།
དངུལ་ཕོགས་ལྷན་ཚོགས་བདུན་པ་ གཞི་བཙུགས་གནང་ཡོདཔ།
པདྨ་དབང་འདུས། སྤྱི་ཟླ་ ༡༠ པའི་ཚེས་ ༩ ལུ་ ཟླ་རིམ་གནས་ཚུལ་ཞལ་འཛོམས་ ཐེངས་ ༣༢ པའི་ནང་ མི་རྗེ་བློན་ཆེན་ དྲག་ཤོས་ཚེ་རིང་སྟོབས་རྒྱས་ཀྱིས་ མི་དབང་མངའ་བདག་རིན་པོ་ཆེའི་ཞབས་ལས་ བཀའ་རྒྱ་སྤྱི་བོར་ཕེབས་དོན་ལྟར་དུ་ སྤྱི་ལོ་ ༢༠༢༦ སྤྱི་ཟླ་ ༡༠ པའི་ཚེས་ ༡ ལས་ ཆ་གནས་ཡོད་པའི་ དངུལ་ཕོགས་ལྷན་ཚོགས་ ༧ པ་དེ་ གཞི་བཙུགས་གནང་ཡོདཔ་སྦེ་གསུངས་ཡི། ལྷན་ཚོགས་དེ་གི་ ཁྲི་འཛིན་ཡང་ འབྲུག་སླར་བྱུང་གློག་མེ་ལས་འཛིན་གྱི་ འཛིན་སྐྱོང་མདོ་ཆེན་ དྲག་ཤོས་ཚེ་དབང་རིག་འཛིན་ བསྐོ་བཞག་གནང་ཡོདཔ་ད་ དངུལ་ཕོགས་ལྷན་ཚོགས་ ༦ པ་དེ་ སྤྱི་ལོ་ ༢༠༢༣ ལུ་ གཞི་བཙུགས་གནང་ཡོདཔ་ཨིན་པས། དེ་ཡང་ འབྲུག་གི་རྩ་ཁྲིམས་ཆེན་མོའི་ རྩ་ཚན་ ༣༠ པའི་ནང་ དུས་དང་དུས་ལུ་ བློན་ཆེན་གྱི་ རྒྱབ་སྣོན་ཐོག་ལས་ རང་དབང་ཅན་གྱི་ དངུལ་ཕོགས་ལྷན་ཚོགས་རེ་ གཞི་བཙུགས་འབད་དགོ་ཟེར་བའི་ དགོངས་དོན་དང་འཁྲིལ་ཏེ་ གཞི་བཙུགས་གནང་ནུག། འབྲུག་གི་རྩ་ཁྲིམས་ཆེན་མོའི་ རྩ་ཚན་ ༣༠ […]