བང་ཤ་དེཤ་གི་ བློན་ཆེན་བགྲེསཔ་ ཨམ་ཤེག་ཧ་སི་ན་དེ་ མོ་རའི་རྒྱལ་ཁབ་ནང་ ལོག་ནི་གི་ འཆར་གཞི་ཡོདཔ།
རོའི་ཊརཛ། སྤྱི་ཟླ་ ༨ པའི་ཚེས་ ༩ ལུ་ མོ་གི་བུ་གིས་ བཤད་དོ་བཟུམ་འབད་བ་ཅིན་ བང་ལ་དེཤ་གི་ བློན་ཆེན་བགྲེསཔ་ ཨམ་ཤེག་ཧ་སི་ན་དེ་ བཙག་འཐུ་འགོ་འདྲེན་འཐབ་ནི་སྦེ་ གྲོས་ཐག་བཅད་པའི་ཤུལ་ལུ་ རྒྱལ་ཁབ་ནང་ ལོག་འོང་ནི་སྦེ་ཡོད་ཟེར་ཨིན་རུང་ བཙག་འཐུའི་ནང་ དོ་འགྲན་འབད་མི་འབད་ཀྱི་སྐོར་ལས་ ག་ནི་ཡང་ བཤད་མ་བཏུབ་ཨིན་པས།དེ་ཡང་ སློབ་ཕྲུག་ཚུ་གིས་ བང་ལ་དེཤ་ལུ་ བདུན་ཕྲག་ལས་བཅད་དེ་ ངོ་རྒོལ་ཚུ་ འགོ་འདྲེན་འཐབ་པའི་ཤུལ་ལས་ ཨམ་ཧ་སི་ན་དེ་ སྤྱི་ཟླ་ ༨ པའི་ཚེས་ ༥ ལུ་ ཁྱིམ་ཚང་རྒྱལ་ཁབ་ རྒྱ་གར་ལུ་ བྱོག་ཡར་སོང་ནུག།དེ་འབདཝ་ལས་ སྤྱི་ཟླ་ ༨ པའི་ཚེས་ ༨ ལུ་ འཛམ་གླིང་ཞི་བདེའི་ གཟེངས་རྟགས་ཐོབ་མི་ མུ་ཧ་མཱད་ ཡུ་ནུཛ་དེ་ གནས་སྐབས་གཞུང་གི་ གྲོས་དཔོན་གཙོ་འཛིན་སྦེ་ བསྐོ་བཞག་འབད་ཡོདཔ་ད་ ཁོ་གིས་ འཕྲལ་མགྱོགས་ར་ བཙག་འཐུ་འགོ་འདྲེན་འཐབ་ནི་ཨིན་པའི་ ཁས་བླངས་འབད་ཡོདཔ་ཨིན་པས།དེ་སྦེ་ ངོ་རྒོལ་འགྲེམ་སྟོན་འབད་མིའི་ནང་ མི་གྲངས་ ༣༠༠ ལྷགཔ་ཅིག་ལུ་ ཤི་རྐྱེན་དང་ སྟོང་ཕྲག་ལས་བཅད་མི་ཚུ་ལུ་ […]