ཡུ་ཀེ་རེན་གྱིས་ རྒྱལ་ཁ་འཐོབ་ཐབས་ཀྱི་ འཆར་གཞི་ཅིག་ ཡུ་ཨེཛ་ལུ་སྤྲོད་ནི།
བི་བི་སི། སྤྱི་ཟླ་ ༨ པའི་ཚེས་ ༢༧ ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཛེ་ལེནཛ་ཀི་གིས་ ཁོང་གི་དམག་མི་ཚུ་གིས་ ར་ཤི་ཡའི་ ས་ཁོངས་ཀཱར་ཟེར་སར་ བཙན་འཛུལ་འབད་མི་དེ་ རྒྱལ་ཁ་འཐོབ་ཐབས་ཀྱི་ འཆར་གཞིའི་ཆ་ཤས་ཅིག་ཨིན་མི་དེ་ ཤུལ་མའི་ཟླཝ་ནང་ ཡུ་ཨེཛ་གི་སྲིད་འཛིན་ ཇཱོ་བ་ཡེ་ཌེན་ལུ་ སྤྲོད་ནི་ཨིན་པས།ཡུ་ཀེ་རེན་གྱིས་ རྒྱལ་ཁབ་འཐོབ་ནི་དེ་ སྲིད་འཛིན་བ་ཡེ་ཌེན་གྱི་ ཁ་ཐུག་ལས་ འཆར་གཞི་དང་འཁྲིལ་ཏེ་ གྲོགས་རམ་ཚུ་འབད་མི་ལུ་ རག་ལས་འོང་ཟེར་ཨིནམ་ད་ འཆར་གཞི་དེ་ ག་ནི་བ་ཡང་ ལྟ་བ་མཐོ་དྲགས་སྦེ་མཐོང་རུང་ གལ་ཆེ་བའི་ འཆར་གཞི་ཨིནམ་ལས་ འཆར་གཞི་དེ་ ཤུལ་མའི་སྲིད་འཛིན་བཙག་འཐུའི་ནང་ དོ་འགྲན་འབད་མི་ འདེམས་ངོ་ཀ་མ་ལ་ཧར་རིཛ་དང་ ཌོ་ནཱལ་ཊམ་ལུ་ཡང་ སྟོན་ནི་ཨིན་པས།དེ་མ་ཚད་ ཡུ་ཀེ་རེན་གྱིས་ རྒྱལ་ཁབ་ནང་འཁོད་ལུ་ བཟོ་བསྐྲུན་འབད་མི་ མི་ཛ་ཡེལ་ཅིག་ཡང་ ལག་ལེན་བརྟག་དཔྱད་འབད་ཡོདཔ་ད་ དེ་ཡང་ ད་རེས་ ཡུ་ཨེཛ་གིས་བྱིན་མི་ མི་ཛ་ཡེལ་ཚུ་ ལག་ལེན་འཐབ་དོ་ཡོདཔ་ལས་ ནུབ་ཕྱོགས་རྒྱལ་ཁབ་ཚུ་གི་ གྲོགས་རམ་ལུ་བརྟེན་ནི་དེ་ མར་ཕབ་འབད་ཐབས་ལུ་ཨིན་པས་ཟེར་ བཀོད་འདུག་པའི་གནས་ཚུལ།