རྒྱ་གར་རྒྱལ་ཁབ་ནང་ ཨ་ལོ་ ༡༠,༠༠༠ ལྷགཔ་ཅིག་ ཁྲོམ་ལམ་བདའ་སྟེ་ སྡོད་དོ་ཡོདཔ།
ཨེན་ཌི་ཊི་ཝི། རྒྱ་གར་རྒྱལ་ཁབ་ནང་ ཨ་ལོ་ ༡༠,༠༠༠ ལྷགཔ་ཅིག་ ཁོང་རའི་བཟའ་ཚང་ཚུ་དང་གཅིག་ཁར་ ཁྲོམ་ལམ་བདའ་སྟེ་ སྡོདཔ་ཨིན་པས།དེ་ཡང་ སྤྱི་ཟླ་ ༢ པའི་ཚེས་ ༡༠ ལུ་ རྒྱ་གར་གྱི་ ཚོགས་ཁང་འོག་མའི་ནང་ དྲི་བ་བཀོད་པའི་ལན་ལུ་ ཨམ་སྲུ་དང་ ཨ་ལོ་གོང་འཕེལ་ལྷན་ཁག་གི་ བློན་པོ་གིས་ ཁྲོམ་ལམ་བདའ་སྟེ་སྡོད་མི་ ཨ་ལོའི་གྲངས་དཔྱད་སྡེ་ཚན་ བཱལ་རཱཇི་སོ་ཝ་རཱཇ་ཟེར་མི་ ཡོངས་འབྲེལ་ནང་ལས་ གནད་སྡུད་ཚུ་ སྟོན་ཐོག་ལས་ གསལ་བཤད་འབད་ནུག།གནད་སྡུད་དེ་ནང་ ཨ་ལོ་ ༡༩,༥༤༦ དེ་ཅིག་ ཁྲོམ་ལམ་བདའ་སྟེ་ཡོད་མིའི་གྲས་ལས་ རང་སོའི་བཟའ་ཚང་དང་གཅིག་ཁར་ ཨ་ལོ་ ༡༠,༤༠༡ དང་ ཉིན་མར་ཁྲོམ་ལམ་བདའ་སྟེ་ སྡོད་ཞིནམ་ལས་ ཕྱི་རུ་དབུལ་ཕོངས་ཅན་གྱི་ སྡོད་སྒར་ཚུ་ནང་ རང་སོའི་བཟའ་ཚང་ཡོད་སར་ལོག་མི་ ཨ་ལོ་ ༨,༢༦༣ ཡོདཔ་ཨིན་པས།ཨིན་རུང་ ཨ་ལོ་ ༨༨༢ དེ་ཅིག་ བདག་འཛིན་འཐབ་མི་ ག་ཡང་མེད་པར་ ཁྲོམ་ལམ་བདའ་སྟེ་ རང་རྐྱང་སྦེ་ སྡོདཔ་ཨིན་པས་ཟེར་ བཀོད་འདུག་པའི་གནས་ཚུལ།