འབྲུག་ལུ་ རྒྱ་པཱན་གྱི་ ཕྱི་འབྲེལ་བློན་པོ་ ཏ་ཀེ་ཨི་ ཤུན་སུ་ཀེའི་གཟིགས་སྐོར།
སྤྱི་ཟླ་ ༡༡ པའི་ཚེས་ ༢༢ ལུ་ རྒྱ་པཱན་གྱི་ ཕྱི་འབྲེལ་བློན་པོ་ ཏ་ཀེ་ཨི་ ཤུན་སུ་ཀེ་གིས་གཙོས་པའི་ རྒྱ་པཱན་ཕྱི་འབྲེལ་ལྷན་ཁག་གི་ འགོ་དཔོན་ཚུ་དང་ ནིའུ་དིལླི་ལུ་ཡོད་མི་ རྒྱ་པཱན་གཞུང་ཚབ་ལས་ཁང་གི་ འགོ་དཔོན་ཚུ་གིས་ འབྲུག་གི་ཕྱི་འབྲེལ་བློན་པོ་ ཌོག་ཊར་རྟ་མགྲིན་རྡོ་རྗེ་དང་ མཇལ་ཕྲད་མཛད་ནུག། དེ་ཡང་ སྤྱི་ཟླ་ ༡༡ པའི་ཚེས་ ༢༡ ལས་ ༢༣ ཚུན་ ཉིན་གྲངས་ ༣ གྱི་དོན་ལས་ འབྲུག་རྒྱལ་ཁབ་ནང་ གཟིགས་སྐོར་ལུ་ བྱོན་ཡོདཔ་ད་ རྒྱ་པཱན་གཞུང་ཚབ་ སུ་ཟུ་ཀི་ ཧི་རོ་ཤི་དང་ འབྲུག་གི་ཕྱི་འབྲེལ་ལྷན་ཁག་ ཟུང་ཕྱོགས་ལས་ཁུངས་ཀྱི་མདོན་ཆེན་ ཚོགས་ཀྱི་ཆོས་སྒྲོན་ ༢ ཀྱིས་ ཤར་ཕྱོགས་ས་ཁོངས་ནང་ གསོ་བའི་སྐྱོང་བཞག་ཞབས་ཏོག་ བཙན་ཐབས་ཀྱི་ ལས་འགུལ་དོན་ལུ་ གནང་སྦྱིན་ཡིག་ཆ་གུ་ མིང་རྟགས་བཀོད་ནུག། རྒྱ་པཱན་གྱི་ཡེན་ ༥༣༥,༠༠༠.༠༠༠ འབད་མི་ གནང་སྦྱིན་ཐོག་ལས་ སྐྱེས་མ་དང་ ཨ་ལོ་ཚུ་ལུ་ གསོ་བའི་ཞབས་ཏོག་གི་དོན་ལས་ ཤར་ཕྱོགས་རྫོང་ཁག་ ༦ གི་ནང་ཡོད་མི་ […]
