Category: National News

སྤྱི་ཟླ་ ༤ པའི་ཚེས་ ༢༠ ལུ་ རྒྱལ་ཁབ་ནང་ རྒྱལ་ཡོངས་ཚོགས་སྡེའི་ བཙག་འཐུ་འགོ་འདྲེན་འཐབ་ནི།

སྤྱི་ཟླ་ ༢ པའི་ཚེས་ ༡༦ ལུ་ འབྲུག་གི་བཙག་འཐུ་ལྷན་ཚོགས་ཀྱིས་ རྒྱལ་ཡོངས་ཚོགས་སྡེའི་ བཙག་འཐུ་ཐེངས་ ༤ པ་དེ་ སྤྱི་ཟླ་ ༤ པའི་ཚེས་ ༢༠ ལུ་ འགོ་འདྲེན་འཐབ་ནི་ཨིན་པའི་ གསལ་བསྒྲགས་འབད་ནུག།དེ་ཡང་ རྒེད་འོག་དང་ རྫོང་ཁག་ ཁྲོམ་སྡེ་ཚུ་ནང་ སྤྱི་ཟླ་ ༢ པའི་ཚེས་ ༢༥ ལས་ གདམ་ངོ་གདམ་འཐུའི་ བྱ་སྒོ་ཚུ་ འགོ་བཙུགས་ནི་ཨིནམ་ད་ འགྲེམ་ཐོག་ཚོགས་རྒྱན་གྱི་དོན་ལས་ སྤྱི་ཟླ་ ༣ པའི་ཚེས་ ༡༥ གི་ ནང་འཁོད་ལུ་ ཐོ་བཀོད་འབད་དགོཔ་ཨིན་པས།འདེམས་ངོའི་ཡིག་ཆ་ཚུ་ སྤྱི་ཟླ་ ༣ པའི་ཚེས་ ༡༣ གྱི་ ནང་འཁོད་ལུ་ བཙུགས་དགོཔ་ད་ སྤྱི་ཐླ་ ༣ པའི་ཚེས་ ༡༤ ལས་ ངོས་ལེན་འགོ་དཔོན་ཚུ་གིས་ ཡིག་ཆ་ཚུ་ དབྱེ་ཞིབ་འབད་ནི་དང་འབྲེལ་ཏེ་ བསྐུལ་བསྒྲགས་ཚུ་ཡང་ འགོ་བཙུགས་ནི་ཨིན་པས།སྤྱི་ཟླ་ ༣ པའི་ཚེས་ […]

རྒྱལ་ཁབ་ནང་ བདེ་སྲུང་ལས་རིམ་ གཞི་བཙུགས་འབད་དེ་ མི་ལོ་ ༡༢ འཁོར་བའི་ དུས་སྟོན་བརྩི་སྲུང་།

སྤྱི་ཟླ་ ༢ པའི་ཚེས་ ༡༤ ལུ་ ཐིམ་ཕུ་ཅང་གླིང་མའི་ཐང་ནང་སྦེ་ བདེ་སྲུང་ལས་རིམ་ གཞི་བཙུགས་འབད་དེ་ མི་ལོ་ ༡༢ འཁོར་བའི་ དུས་སྟོན་བརྩི་སྲུང་ནང་ རྒྱལ་ཁབ་ནང་འཁོད་ལས་ བདེ་སྲུངཔ་ ༨,༠༠༠ དེ་ཅིག་གིས་ གྲལ་གཏོགས་འབད་ནུག། སྤྱི་ལོ་ ༢༠༡༡ ལུ་ བཀའ་ཁྲིམས་ཐོག་ལས་ གཞི་བཙུགས་འབད་མི་ བདེ་སྲུང་ལས་རིམ་དེ་ སྦྱོང་བརྡར་ཅན་གྱི་ ཁས་བླངས་པ་ཚུ་གིས་ རྒྱལ་ཁབ་ལུ་ ཞབས་ཏོག་ཞུ་ཐབས་ལུ་ཨིནམ་ལས་ བདེ་སྲུང་ཤོ་ཐེངས་ ༥༤ ཚུན་ལུ་ ཁས་བླངས་པ་ ༣༤,༩༣༩ གིས་ སྦྱོང་བརྡར་འབད་ཡོདཔ་ད་ ད་རེས་ ཤོ་ཐེངས་ ༥༥ པའི་ནང་ སྦྱོང་བརྡར་འབད་བའི་བསྒང་ཡོད་མི་ཚུ་རྩིས་ཏེ་ བདེ་སྲུངཔ་བསྡོམས་ ༣༦,༡༣༤ ལུ་ ཡར་སེང་འགྱོ་ནི་ཨིན་པས། བདེ་སྲུང་ལས་རིམ་ གཞི་བཙུགས་ཀྱི་ དུས་སྟོན་ཐེངས་ ༡༢ པ་ བརྩི་སྲུང་སྐབས་ལུ་ བདེ་སྲུངཔ་ཚུ་གིས་ རུ་སྒྲིག་འགྲེམ་སྟོན་དང་ སྤྲོ་སྟོན་ལས་རིམ་ཚུ་ སྤྱན་འབུལ་ཞུ་བའི་ཁར་ བདེ་སྲུངཔ་ཚུ་གིས་ གསར་གཏོད་འབད་མི་ […]

མི་རྗེ་བློན་ཆེན་མཆོག་གིས་ འཛམ་གླིང་དངུལ་ཁང་གི་ གནས་སྡོད་མདོ་ཆེན་ སེག་དང་གཅིག་ཁར་མཇལ་ཕྲད།

སྤྱི་ཟླ་ ༢ པའི་ཚེས་ ༡༣ ལུ་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་གིས་ འཛམ་གླིང་དངུལ་ཁང་གི་ གནས་སྡོད་མདོ་ཆེན་ སེག་དང་གཅིག་ཁར་ མཇལ་ཕྲད་ཐོག་ལས་ རྒྱལ་ཁབ་ཀྱི་ དཔལ་འབྱོར་གནས་སྟངས་དང་ གཞི་སྒྱུར་ འཆར་གཞི་ ༡༣ པ་ཚུ་གི་སྐོར་ལས་ གསུངས་ཡོདཔ་མ་ཚད་ གྲོས་འཆར་དང་ མ་དངུལ་གྱི་ རྒྱབ་སྐྱོར་ཚུ་ཡང་ དུས་ཚོད་ཁར་ བྱོན་ནི་ཨིན་མི་དེ་ལུ་ དགའ་ཚོར་ཡོད་ལུགས་ཚུ་ གསུངས་ཡོདཔ་ཨིན་པས། དེ་ལས་ འབྲུག་དང་ འཛམ་གླིང་དངུལ་ཁང་གིས་ ལས་སྣ་གཞན་ ལེ་ཤ་ཅིག་ཡོད་མིའི་གྲས་ལས་ ལུང་ཕྱོགས་མཉམ་འབྲེལ་དང་ གསོ་བ་ ནུས་ཤུགས་ཚུ་ལུ་ དམ་ཟབ་ཐོག་ལས་ ལཱ་འབད་ནི་ཨིན་པའི་ གནས་ཚུལ་མདོར་བསྡུས།

སྤུངས་ཐིམ་གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ བླམ་གསར་བསྐོས་ཐོག་ལུ་ བཀྲ་ཤིས་ལེགས་དར།

ནོར་བུ་བཟང་མོ། སྤྱི་ཟླ་ ༢ པའི་ཚེས་ ༨ ལུ་ སྤུངས་ཐིམ་གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ སྤུ་ན་རྫོང་ནང་སྦེ་ སློབ་དཔོན་རྡོ་རྗེ་ཕུན་ཚོགས་དེ་ སྤུ་ན་ཁ་རྫོང་ཁག་ དཀར་སྦིས་ས་རྒེད་འོག་ སྟོང་རྫོགས་ནང་ ལྷ་ཁང་གི་བླམ་སྦེ་ གསར་བསྐོས་ཐོག་ལུ་ བཀྲིས་ལེགས་དར་གནང་ནུག།མོང་སྒར་ཆ་འདུས་ གཏོར་མ་གཞོང་ལས་ སྐྱེས་ལོ་ ༤༠ འབད་མི་ བླམ་རྡོ་རྗེ་ཕུན་ཚོགས་ཀྱིས་ ད་རེས་ཀྱི་ གོ་གནས་འདི་ མ་བཞེས་པའི་ཧེ་མར་ ཐིམ་ཕུ་བདེ་ཆེན་ཕོ་བྲང་ དགེ་འདུན་སློབ་གྲྭའི་ནང་ ལོ་ངོ་བཅུ་ཕྲག་མ་ལངམ་ཅིག་ སློབ་དཔོན་སྦེ་ ཕྱག་ཞུ་ཡོདཔ་ཨིན་མས།བླམ་རྡོ་རྗེ་ཕུན་ཚོགས་དེ་ སྐྱེས་ལོ་ ༡༢ ལུ་ དགེ་སློང་ནང་ འཛུལ་བའི་ཤུལ་ལས་ ཐིམ་ཕུ་མདོ་སྡེ་བྲག་བཤད་གྲྭ་དང་ རྟ་མགོ་ནང་པའི་ གཙུག་ལག་སློབ་སྡེ་ལས་ ཤེས་ཡོན་ཚུ་ སྦྱངས་བརྩོན་འབད་ཡོདཔ་ད་ ལོ་གསུམ་ཕྱོགས་གསུམ་ཡང་ ཐིམ་ཕུ་རྟ་མགོ་གནས་ལྡན་དགའ་ཚལ་སྒྲུབ་ཁང་ནང་ བཅད་ཡོདཔ་ཨིན་པའི་གནས་ཚུལ།

མི་དབང་མངའ་བདག་རིན་པོ་ཆེའི་ཞབས་ལས་ གཞུང་ཚབ་དང་ རྫོང་བདག་ཚུ་ བསྐོ་བཞག་དང་ དམག་སྡེའི་འགོ་དཔོན་ཚུ་ལུ་ གོ་གནས་ཡར་སེང་།

ནོར་བུ་བཟང་མོ། སྤྱི་ཟླ་ ༢ པའི་ཚེས་ ༨ ལུ་ མི་དབང་མངའ་བདག་རིན་པོ་ཆེའི་ཞབས་ལས་ ནིའུ་ཡོག་དང་ བ་ར་སེལཛ་གི་ གཞུང་ཚབ་ ༢ དང་ ཧཱ་དང་ ལྷུན་རྩེ་ གཞལམ་སྒང་རྫོང་ཁག་ཚུ་གི་ རྫོང་བདག་ཚུ་ གསར་བསྐོས་ཐོག་ལུ་ བཀྲིས་ཁ་དར་ གནང་ཡོདཔ་མ་ཚད་ རྒྱལ་གཞུང་འབྲུག་གི་དམག་སྡེ་དང་ རྒྱལ་པོའི་སྐུ་སྲུང་དམག་སྡེ་ རྒྱལ་གཞུང་འབྲུག་གི་འགག་སྡེ་ཚུ་གི་ འགོ་དཔོན་ ༢༧ ལུ་ཡང་ གོ་གནས་ཡར་སེང་གནང་ནུག།དེ་ཡང་ ཕྱི་མི་ནང་བསྐྱོད་ལས་ཁུངས་ཀྱི་ ཡོངས་ཁྱབ་མདོ་ཆེན་ པདྨ་ཨེལ་རྡོ་རྗེ་དེ་ ནིའུ་ཡོག་ལུ་ འཛམ་གླིང་སྤྱི་ཚོགས་ནང་ འབྲུག་གི་གཏན་འཇགས་སྐུ་ཚབ་དང་ ཕྱི་འབྲེལ་ལྷན་ཁག་ ཟུང་ཕྱོགས་ལས་ཁུངས་ཀྱི་མདོ་ཆེན་ མཚོ་སྐྱེས་ཆོས་སྒྲོན་དེ་ བ་ར་སེལཛ་ལུ་ འབྲུག་གི་གཞུང་ཚབ་གསརཔ་སྦེ་ བསྐོ་བཞག་གནང་ཡོདཔ་ཨིན་པས།དེ་བཟུམ་སྦེ་ ཧཱ་གི་རྫོང་བདག་ངོ་ཚབ་ སྨོན་ལམ་བཟང་པོ་དེ་ ཧཱ་རྫོང་བདག་དང་ ཤེས་རིག་དང་ རིག་རྩལ་གོང་འཕེལ་ལྷན་ཁག་ སྲིད་བྱུས་དང་ འཆར་གཞི་ལས་ཚན་གྱི་གཙོ་འཛིན་ སྐལ་བཟང་འཇིགས་མེད་དེ་ གཞལམ་སྒང་རྫོང་བདག་སྦེ་ གསར་བསྐོས་གནང་ཡོདཔ་ད་ དེ་ལས་ ངན་ལྷད་བཀག་སྡོམ་ལྷན་ཚོགས་ཀྱི་ རྒྱུ་དངོས་གསལ་སྟོན་ འཛིན་སྐྱོང་སྡེ་ཚན་གྱི་ ཆིག་སྒྲིལ་གཙོ་འཛིན་ འཇིགས་མེད་ཆོས་སྒྲོན་དེ་ ལྷུན་རྩེ་རྫོང་བདག་གསརཔ་སྦེ་ […]

རྒྱལ་ཁབ་ནང་གི་ འབྲིང་རིམ་སློབ་གྲྭ་བར་མའི་ ཆོས་རྒྱུགས་ཀྱི་ གྲུབ་འབྲས་གསལ་སྟོན།

ལྷག་པ་གྲུབ་བ། སྤྱི་ཟླ་ ༢ པའི་ཚེས་ ༦ ལུ་ འབྲུག་གི་སློབ་གྲྭའི་ཆོས་རྒྱུགས་དང་ བརྟག་ཞིབ་ཚོགས་སྡེ་གིས་ སྤྱི་ལོ་ ༢༠༢༢ ཀྱི་ འབྲིང་རིམ་སློབ་གྲྭའི་ ལག་ཁྱེར་ཆོས་རྒྱུགས་ཀྱི་ གྲུབ་འབྲས་གསལ་བསྒྲགས་འབད་ཡི། སྤྱི་ལོ་ ༢༠༢༢ ལུ་ སློབ་རིམ་ ༡༠ པའི་ སྤྱིར་བཏང་མཐར་འཁྱོལ་ བརྒྱ་ཆ་ ༧༡.༥༨ ཐོན་མི་དེ་ སྤྱི་ལོ་ ༢༠༢༡ ལུ་ བརྒྱ་ཆ་ ༧༠.༡༢ ཐོབ་མི་དང་ཕྱདཔ་ད་ བརྒྱ་ཆ་ ༡.༤༦ ཡར་སེང་སོང་ནུག། སློབ་རིམ་ ༡༠ པའི་ ལག་ཁྱེར་ཆོས་རྒྱུགས་ཀྱི་དོན་ལུ་ གཞུང་གི་སློབ་གྲྭ་ ༡༣༢ དང་ སྒེར་གྱི་སློབ་གྲྭ་ ༡༢ འབདཝ་ད་ འབྲིང་རིམ་སློབ་གྲྭ་བར་མ་ ༡༤༤ ལས་ སློབ་ཕྲུག་ཡོངས་བསྡོམས་ ༡༠,༦༡༡ གིས་ ཐོ་བཀོད་འབད་ཡོད་རུང་ སློབ་ཕྲུག་ ༡༠,༥༠༥ གིས་མ་གཏོགས་ ཆོས་རྒྱུགས་མ་ཕུལཝ་ཨིན་པས། ཆོས་རྒྱུགས་དེ་ནང་ལས་ […]

རྒྱལ་ཁབ་ནང་གི་ གཞུང་ལམ་བདའ་སྟེ་ ཕྱགས་སྙིགས་བསྡུ་ནི་གི་ ལས་རིམ་འགོ་འབྱེད།

ནོར་བུ་བཟང་མོ། རྒྱལ་ཁབ་ནང་གི་ གཞུང་ལམ་ཚུ་ ཧིང་སང་ས་སྦེ་ བཞག་ནིའི་དོན་ལུ་ ལམ་འགྲུལ་སྐྱེལ་འདྲེན་ལས་ཁུངས་དང་ ཌཱན་ཊག་ལས་འགུལ་ ཀི་ལིན་བྷུ་ཊཱན་ལས་སྡེ་ ༣ མཉམ་འབྲེལ་ཐོག་ལས་ གཞུང་ལམ་བདའ་སྟེ་ ཕྱགས་སྙིགས་བསྡུ་ནི་གི་ ལས་རིམ་ཅིག་ འགོ་འབྱེད་འབད་ནུག། དེ་ཡང་ སྤྱི་ཟླ་ ༢ པའི་ཚེས་ ༥ ལུ་ མི་དབང་རྒྱལ་སྲས་རིན་པོ་ཆེ་ འཇིགས་མེད་རྣམ་རྒྱལ་དབང་ཕྱུག་མཆོག་ དགུང་ལོ་ ༧ བཞེས་པའི་ འཁྲུངས་སྐར་དུས་སྟོན་ བརྩི་སྲུང་དང་འབྲེལ་ཏེ་ འགོ་འབྱེད་འབད་ཡོདཔ་ད་ དེ་བསྒང་ ལས་རིམ་དེ་ ཐིམ་ཕུ་དང་ སྤ་རོ་ ཆུ་ཁ་ བསམ་གྲུབ་ལྗོངས་མཁར་ བཀྲིས་སྒང་ རྫོང་ཁག་ཚུ་ནང་ འགོ་འདྲེན་འཐབ་ནུག། ཌཱན་ཊག་ལས་འགུལ་གྱི་ བཟོ་རིག་གཙོ་འཛིན་འགོ་དཔོན་ མདོ་འཛིན་ཇཱཛ་ཝིན་དར་སིང་གིས་ བཤད་དོ་བཟུམ་འབད་བ་ཅིན་ གཞུང་ལམ་བདའ་སྟེ་ བལྟ་བཤལཔ་ཚུ་དང་ སྣུམ་འཁོར་ལེ་ཤ་ཅིག་ རྒྱུན་འབྲེལ་འཐབ་པའི་ཁར་ འབྲུག་གི་འཁོར་ལམ་ ཀི་ལོ་མི་ཊར་ ༦༠༠ དེ་ཅིག་ཡང་ ཌཱན་ཊག་ལས་འགུལ་གྱིས་ རྒྱུན་སྐྱོང་འཐབ་དོ་ཡོདཔ་ལས་ འཁོར་ལམ་ཚུ་ ཕྱགས་སྙིགས་མེདཔ་སྦེ་ བཞག་ཚུགས་པ་ཅིན་ འབྲུག་རྒྱལ་ཁབ་འདི་ […]

མི་རྗེ་བློན་ཆེན་མཆོག་གིས་ ཨེ་ཤི་ཡ་དང་ པེ་སི་ཕིག་ འཛམ་གླིང་སྤྱི་ཚོགས་ གོང་འཕེལ་མཉམ་འབྲེལ་ཡིག་ཚང་གི་ ལུང་ཕྱོགས་མདོ་ཆེན་དང་མཇལ་ཕྲད།

སྤྱི་ཟླ་ ༢ པའི་ཚེས་ ༡ ལུ་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་གིས་ ཨེ་ཤི་ཡ་དང་ པེ་སི་ཕིག་ འཛམ་གླིང་སྤྱི་ཚོགས་ གོང་འཕེལ་མཉམ་འབྲེལ་ཡིག་ཚང་གི་ ལུང་ཕྱོགས་མདོ་ཆེན་ ཌེ་ཝིཌ་ ཝི་ལི་ཡམ་ མེག་ལ་ཀེ་ལན་ཀཱར་དང་གཅིག་ཁར་ མཇལ་ཕྲད་མཛད་ནུག།དེ་བསྒང་ མི་རྗེ་བློན་ཆེན་མཆོག་གིས་ ད་རེས་ནངས་པར་ རྒྱལ་ཁབ་ནང་ གཙོ་རིམ་ཅན་གྱི་ ལེགས་སྒྱུར་གྱི་སྐོར་ལས་དང་ རྒྱལ་ཁབ་ཀྱི་ དཔལ་འབྱོར་གནས་སྟངས་ཚུ་གི་སྐོར་ལས་ གསུངས་ཡོདཔ་ཨིན་པས།དེ་བཟུམ་སྦེ་ འཛམ་གླིང་སྤྱི་ཚོགས་ གོང་འཕེལ་མཉམ་འབྲེལ་ཡིག་ཚང་གི་ ལུང་ཕྱོགས་མདོ་ཆེན་གྱིས་ཡང་ རྒྱལ་ཁབ་ཀྱི་ གནས་སྟངས་དང་བསྟུན་ཏེ་ གྲོགས་རམ་དང་ རྒྱབ་སྐྱོར་འབད་ནི་ལུ་ ངོས་ལེན་འབད་ཡོད་པའི་ གནས་ཚུལ་མདོར་བསྡུས།

རྡོ་རྗེ་སློབ་དཔོན་མཆོག་གིས་ དགེ་འདུན་སྤེལ་ཁང་གི དབུ་འཛིན་ ༢ གསར་བསྐོས་ཐོག་ལུ་ བཀྲིས་ལེགས་དར།

ནོར་བུ་བཟང་མོ། སྤྱི་ཟླ་ ༡ པའི་ཚེས་ ༣༠ ལུ་ སྤུངས་ཐིམ་གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ དགེ་འདུན་སྤེལ་ཁང་གི་ དབུ་འཛིན་ ༢ གསར་བསྐོས་ཐོག་ལུ་ བཀྲིས་ལེགས་དར་གནང་ནུག།དེ་ཡང་ ཀྲོང་གསར་རྫོང་ཁག་ སྟང་སི་སྦྱིས་རྒེད་འོག་ལས་ སྐྱེས་ལོ་ ༤༣ འབད་མི་ སློབ་དཔོན་བསོད་ནམས་རིན་ཆེན་དེ་ ཐིམ་ཕུ་ལུ་ཡོད་མི་ མི་འཁྲུག་པའི་ལྷ་ཁང་གི་ སློབ་གྲྭའི་དབུ་འཛིན་སྦེ་ བསྐོ་བཞག་གནང་ཡོདཔ་ད་ གོ་གནས་འདི་ མ་བཞེས་པའི་ཧེ་མར་ གཞུང་གྲྭ་ཚང་གི་ སྐུ་དྲུང་འཚོ་ཆེན་སྦེ་ ཕྱག་ཞུ་ཡོདཔ་ཨིན་པས།ཁོ་གིས་ སྐྱེས་ལོ་ ༡༣ ལས་ བདེ་ཆེན་ཕོ་བྲང་ དགེ་འདུན་སློབ་གྲྭའི་ནང་ འཛུལ་ཞུགས་འབད་བའི་ཤུལ་ལུ་ སྤུ་ན་ཁ་ ལེགས་བཤད་འབྱུང་གནས་ བཤད་གྲྭའི་ནང་ལས་ ཤེས་ཡོན་ཚུ་ མཐར་འཁྱོལ་ཡོདཔ་མ་ཚད་ སྤུ་ན་ཁ་ སྤང་དཀར་སྒྲུབ་སྡེའི་ནང་ ལོ་གསུམ་ཕྱོགས་གསུམ་ཡང་ བཅད་ཡོདཔ་ཨིན་མས།དེ་ལས་ སྤུ་ན་ཁ་ བརཔ་རྒེད་འོག་ལས་ སྐྱེས་ལོ་ ༣༥ འབད་མི་ བླམ་ཀུན་དགའ་ནོར་བུ་དེ་ སྤ་རོ་ལམ་གོང་རྒེད་འོག་ནང་ཡོད་མི་ བསྟན་ཆེ་དགོན་པའི་ ཨ་ཎིམོ་གྲྭ་ཚང་གི་ དབུ་འཛིན་སྦེ་ གསར་བསྐོས་གནང་ནུག།ཁོ་གིས་ གོ་གནས་འདི་ […]

སྤྱི་ལོ་ ༢༠༢༢ ལོའི་ འབྲུག་གི་འབྲིང་རིམ་སློབ་གྲྭ་གོང་མ་དང་ འབྲིང་རིམ་སློབ་གྲྭ་འོག་མའི་ ཆོས་རྒྱུགས་ཀྱི་གྲུབ་འབྲས།