ལྡོག་ཕྱོགས་ཚོགས་པའི་ཁ་ཐུག་ལས་ རྒྱལ་ཡོངས་ཚོགས་ཐེངས་ ༣ པའི་ གནད་དོན་མ་འདྲཝ་ཁག་ ༧ ལུ་ ཚ་གྱང་ཡོད་ལུགས་ཀྱི་གསལ་བཤད།
པདྨ་དབང་འདུས།སྤྱི་ཟླ་ ༧ པའི་ཚེས་ ༡༥ ལུ་ རྒྱལ་ཡོངས་ཚོགས་ཁང་གི་ ལྷན་འཛོམས་ཁང་བཟང་ནང་སྦེ་ ལྡོག་ཕྱོགས་འགོ་ཁྲིདཔ་གི་ ཁྲི་འཛིན་ཐོག་ལས་ གནས་ཚུལ་ཞལ་འཛོམས་ཅིག་ ཚོགས་པའི་སྐབས་ལུ་ གནད་དོན་མ་འདྲཝ་ཁག་ ༧ དང་འབྲེལ་བའི་ ཚ་གྱང་དང་ ལྡོག་ཕྱོགས་ཀྱི་ བསམ་འཆར་ཚུ་ གསལ་བཤད་འབད་ནུག།དེ་ཡང་ སྤྱི་ཚོགས་བཞི་པའི་ ཚོགས་ཐེངས་ ༣ པའི་ བསྐྱར་ཞིབ་ཀྱི་ གནས་ཚུལ་གསར་བཏོན་ཅིག་ནང་ བཀོད་དོ་བཟུམ་འབད་བ་ཅིན་ གནད་དོན་དང་པ་དེ་ འདས་པའི་རྩིས་ལོ་ཚུ་ནང་ གསར་སྒྲུབ་འཆར་དངུལ་ཚུ་ ཚད་གཞི་ཁར་ སྤྱོད་མ་ཚུགས་པར་ ལུས་ཡོད་མི་དེ་ བརྒྱ་ཆ་ ༢༠ གི་རྩིས་ཨིནམ་ད་ རྩིས་ལོ་ ༢༠༢༤-༢༥ གི་ གསར་སྒྲུབ་འཆར་དངུལ་ཚུ་ ཚད་གཞི་ཁར་ སྤྱོད་མ་ཚུགས་པའི་ ཚད་གཞི་དེ་ བརྒྱ་ཆ་ ༤༠ གུ་ གནས་ཡོད་རུང་ ད་ཚུན་གྱི་བར་ན་ དེ་གི་ཐོགས་ཆགས་ཚུ་ བསལ་ནིའི་དོན་ལས་ གཞུང་གིས་ ཐབས་ལམ་ཅིག་ ག་ནི་ཡང་ ལག་ལེན་འཐབ་ས་ མ་མཇལ་ཟེར་ཨིན་པས།དེ་སྦེ་ གསར་སྒྲུབ་འཆར་དངུལ་ཚུ་ ཚད་གཞི་ཁར་ […]
