མཐའ་ཡས་ལེན་ལུ་ མུབ་ཕོར་ཝཱཌ་ཚོགས་པ་གིས་ སྲིད་དོན་ཚོགས་པ་གཞན་ ༧ དང་ མཉམ་འབྲེལ་གྱི་ཆིངས་ཡིག།
ཨེ་བི་སི།མཐའ་ཡས་ལེན་ལུ་ འདས་པའི་བདུན་ཕྲག་ནང་ འགོ་འདྲེན་འཐབ་མི་ རྒྱལ་ཡོངས་བཙག་འཐུའི་ནང་ལས་ ལྡོག་ཕྱོགས་ཚོགས་པ་ མུབ་ཕོར་ཝཱཌ་གིས་ ཚོགས་རྒྱན་མཐོ་ཤོས་ ཐོབ་ཡོདཔ་ལས་ སྤྱི་ཟླ་ ༧ པའི་ནང་ མཉམ་འབྲེལ་གཞུང་སྐྱོང་ བཙུགས་ནིའི་དོན་ལས་ སྤྱི་ཟླ་ ༥ པའི་ཚེས་ ༢༢ ལུ་ སྲིད་དོན་ཚོགས་པ་གཞན་ ༧ དང་གཅིག་ཁར་ ཆིངས་ཡིག་གུ་ མིང་རྟགས་བཀོད་ནུག།ཆིངས་ཡིག་དེ་ནང་ དོན་ཚན་ ༢༣ ཡོད་མིའི་གྲས་ལས་ མང་ཤོས་ཅིག་ སྤྱི་ཟླ་ ༥ པའི་ཚེས་ ༡༤ ལུ་ བཙག་འཐུའི་ནང་ལས་ རྒྱལ་ཁབ་ཐོབ་དགོ་པའི་ རྒྱུ་མཚན་ཅན་གྱི་ གནད་དོན་ཚུ་ ཚུད་དེ་ཡོདཔ་ཨིན་པས།མུབ་ཕོར་ཝཱཌ་ སྲིད་དོན་ཚོགས་པ་གིས་ ཚོགས་ཁང་ནང་ སྡོད་ཁྲི་ ༥༠༠ འབད་མི་ལས་ སྡོད་ཁྲི་ ༡༥༢ ཐོབ་སྟེ་ རྒྱལ་ཁབ་ཐོབ་ཡོདཔ་ད་ ཚོགས་པ་དེ་གི་ ཁས་བླངས་གཙོ་བོ་ར་ རྒྱལ་བརྒྱུད་ལུ་ བརྙས་བཅོས་ཀྱི་ བཅའ་ཁྲིམས་དེ་ སྒྱུར་བཅོས་འབད་ནི་སྦེ་ཨིན་རུང་ སྲིད་ཚོགས་མཉམ་འབྲེལ་གྱི་ ཆིངས་ཡིག་ནང་ གནད་དོན་དེ་ […]