National News
ཐིམ་ཕུ་ཁྲིམས་སྲུང་འགག་སྡེ་གིས་ སྨྱོ་རྫས་ནད་ཚོང་འཐབ་མི་ ན་གཞོན་ཕོ་སྐྱེས་ ༢ འཛིན་བཟུང་།
སྤྱི་ཟླ་ ༧ པའི་ཚེས་ ༥ ལུ་ ཐིམ་ཕུ་ཁྲིམས་སྲུང་འགག་སྡེ་གིས་ ཐིམ་ཕུ་ཨོ་ལ་ཁ་ལས་ བཀག་དམ་ཅན་གྱི་ སྨྱོ་རྫས་ནད་ཚོང་འཐབ་མི་ ན་གཞོན་ཕོ་སྐྱེས་ ༢ འཛིན་བཟུང་འབད་ནུག། དེ་བསྒང་ ཁྲིམས་སྲུང་འགག་སྡེ་གིས་ སྐྱེས་ལོ་ ༢༢ འབད་མི་ ཕོ་སྐྱེས་ ༢ ལས་ སྨྱོ་རྫས་ཨེཛ་པཱཛ་ པོ་རོག་སི་ བཱོན་པ་ལཱཛ་ཟེར་མི་ སྨན་ཐུམ་ ༢,༦༣༧ དེ་ཅིག་ འཕྱོག་བཟུང་འབད་ཡོདཔ་ད་ ཁོང་ ༢ ཀྱིས་ བཤད་དོ་བཟུམ་འབད་བ་ཅིན་ སྨྱོ་རྫས་དེ་ཚུ་ བསམ་རྩེའི་ཉེ་འདབས་ལུ་ཡོད་མི་ རྒྱ་གར་གྱི་ ས་མཚམས་ཁྲོམ་སྡེ་ བིམ་ཊར་ཟེར་ས་ལས་ རྒྱ་གར་གྱི་ མི་ངོམ་ ༡ ལས་ལེན་ཏེ་ ཐིམ་ཕུ་ལུ་ འབག་འོང་ཡི་ཟེར་ཨིན་པས། ག་དེ་སྦེ་ཨིན་རུང་ ཁྲིམས་སྲུང་འགག་སྡེ་གིས་ སྨྱོ་རྫས་དང་འབྲེལ་བའི་ གནད་དོན་ཚུ་ བཀག་ཐབས་དང་ ཉེན་སྲུང་དང་ལྡན་པའི་ གནས་སྟངས་བཟོ་ཐབས་ལུ་ མི་མང་ག་ར་གིས་ རྒྱབ་སྐྱོར་གང་དྲག་འབད་གནང་ཟེར་ བཤདཔ་ཨིན་པའི་གནས་ཚུལ།