པ་ཀིཛ་ཏཱན་ རྒྱལ་ཁབ་ནང་ སྤྱི་ལོ་གསར་ཚེས་ཀྱི་ དུས་སྟོན་བརྩི་སྲུང་བཀག་དམ།
ཨེན་ཌི་ཊི་ཝི། པ་ཀིཛ་ཏཱན་གྱི་ གནས་སྐབས་གཞུང་གི་བློན་ཆེན་ ཨཱན་ཝ་རཱུལ་ ཧཱག་ཀ་ཀར་གྱིས་ སྤྱི་ལོ་ ༢༠༢༤ གསར་ཚེས་ཀྱི་ དུས་སྟོན་འབད་ནི་དེ་ བཀག་དམ་འབད་ཡོདཔ་ད་ དེ་ཡང་ པེ་ལིཛ་ཊིན་གྱི་ས་གནས་ ག་ཟའི་མི་སེར་ཚུ་དང་ གཅིག་བསྒྲིལ་གྱི་ བརྡ་མཚོན་ལུ་ཨིན་པས།བློན་ཆེན་ཀ་ཀར་གྱིས་ རྒྱལ་ཡོངས་ལུ་ གསུང་བཤད་ཅིག་ གནང་པའི་ནང་གསལ་ པེ་ལིཛ་ཊིན་གྱི་ ཚ་གྱང་ཅན་གྱི་ གནས་སྟངས་ཚུ་ སེམས་ཁར་བཞག་སྟེ་ སྤྱི་ལོ་གསར་ཚེས་ལུ་ པེ་ལིཛ་ཊིན་གྱི་ མི་སེར་ཚུ་ རང་གི་སྤུན་མཆེད་ཀྱི་ འདུ་ཤེས་ཐོག་ལས་ གཅིག་བསྒྲིལ་གྱི་ བརྡ་སྟོན་འབད་དགོ་ཟེར་ཨིན་པས།དེ་མ་ཚད་ ད་ཚུན་གྱི་བར་ན་ པེ་ལིཛ་ཊིན་གྱི་ མི་སེར་ ༢༡,༠༠༠ ལྷགཔ་ཅིག་ དམར་བསད་འབད་བའི་ནང་ལས་ ཨ་ལོ་ ༩,༠༠༠ དེ་ཅིག་ཡང་ དམར་བསད་འབད་ མི་དེ་ བཟོད་ཚད་ལས་བརྒལ་བའི་ གཞི་ཅིག་ཨིནམ་ད་ དེ་ཡང་ ལག་པར་མཚོན་ཆ་འབག་ནི་མེད་པའི་ པེ་ལིཛ་ཊིན་གྱི་ མི་སེར་དང་ ཨ་ལོ་ཚུ་ དམར་བསད་འབད་མི་ལུ་ པ་ཀིཛ་ཏཱན་དང་ མུཛ་ལིམ་གྱི་ རྒྱལ་ཁབ་ག་ར་ སེམས་སྡུག་ཅན་གྱི་ གཞི་གནད་ཅིག་ལུ་ གྱུར་ཏེ་ཡོདཔ་སྦེ་ བཤདཔ་ཨིན་པས་ཟེར་ […]
