ར་ཤི་ཡ་གིས་ ཡུ་ཀེ་རེན་གྱི་ ནུས་ཤུགས་འཕྲུལ་ཁང་ཚུ་ལུ་ གནོད་འཚུབ་བཀལ་ཡོདཔ།

བི་བི་སི།
སྤྱི་ཟླ་ ༡༠ པའི་ཚེས་ ༡༤ ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མི་ར་ ཟེ་ལེནཛ་ཀི་གིས་ བཤད་མིའི་ནང་ ར་ཤི་ཡའི་ མི་ཛ་ཡེལ་གྱིས་ རྒྱལ་ས་ཀི་ཡིབ་ལུ་ ནུས་ཤུགས་མཐུན་རྐྱེན་ བཀྲམ་སྤེལ་གྱིས་གཙོས་པའི་ དྲོད་བཏགས་འཕྲུལ་ཆས་དང་ གློག་མེ་ཚུ་ལུ་ གནོད་འཚུབ་བཀལ་ཡོདཔ་སྦེ་ཨིན་པས།
དེ་ཡང་ སྤྱི་ཟླ་ ༡༠ པའི་ཚེས་ ༡༣ གྱི་ཕྱི་རུ་ ར་ཤི་ཡ་གིས་ སྔ་གོང་ཉེན་བརྡ་མེད་པར་ མི་ཛ་ཡེལ་གྱི་ཐོག་ལས་ གནོད་འཚུབ་བཀལ་བའི་སྐབས་ལུ་ མི་སྡོད་སྒྲིང་ཁྱིམ་ཅིག་ལུ་ཡང་ གནོད་སྐྱོན་བྱུང་ནུག།
དེ་སྦེ་ མི་ཛ་ཡེལ་གྱི་ཐོག་ལས་ གནོད་འཚུབ་བཀལ་མིའི་ནང་ སྒྲིང་ཁྱིམ་དེ་ནང་སྡོད་མི་ ༡ ལུ་ ཤི་རྐྱེན་དང་ གཞན་མི་ལེ་ཤ་ཅིག་ལུ་ རྨ་སྐྱོན་བྱུང་ཡོདཔ་སྦེ་ ཀི་ཡིབ་ཁྲོམ་སྡེའི་ཁྲོམ་དཔོན་ ཝི་ཊ་ལི་ ཀེ་ལིཛ་ཀོ་གིས་ བཤད་ཡོདཔ་ཨིན་པས།
མ་གཞི་ ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་གྱིས་ ཉིན་གྲངས་ ༢ ཀྱི་ཧེ་མ་ ར་ཤི་ཡ་དང་ ཡུ་ཀེ་རེན་ ༢ ཀྱི་བར་ན་ ནུས་ཤུགས་མཚོན་ཆ་ཚུ་ ལག་ལེན་འཐབ་ནི་མེདཔ་སྦེ་ མཚམས་འཇོག་འབད་ཡོད་རུང་ ར་ཤི་ཡའི་ ཁ་ཐུག་ལས་ འཕྲོ་མཐུད་དེ་ར་ ལག་ལེན་འཐབ་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།